प्रधानाध्यापकको भनाइ

इन्द्रकुमार तामाङ

विद्यालय बालबालिकाको शिक्षा आर्जन गर्ने महत्वपूर्ण स्थल हो जहाँ औपचारिक रूपले निर्धारित विषयवस्तु सिकाउने गरिन्छ ।त्यसैले विद्यालयलाई बालबालिकाहरूको चौतर्फी विकास गर्ने थलोका रूपमा लिइन्छ । विद्यालय चेतनाको पुञ्ज हो जसले विद्यार्थीको प्रतिभा प्रस्फुटन गर्ने अवसर दिन्छ, भविश्यका कर्णधार जन्माउँछ । शिक्षा मानव विकासको महत्वपूर्ण तत्व भएकाले यसको विकासमा हरेकले जोड दिएको हुन्छ ।

सिन्धुपाल्चोक जिल्ला, मेलम्ची न.पा. वडा नं ११, कटुञ्जेमा अवस्थित हाम्रो विद्यालय २०२५ माघ १० गते स्थापना भएको थियो । समाजसेवी चन्द्रमान तामाङ र बालकृष्ण चौलागाईको पहलमा स्थापना भएको विद्यालय स्थापना कालदेखि २०५४ सम्म प्रा.वि. मै सिमित रहि २०५४/२०५५ देखि नि.मा.वि.कक्षा सञ्चालन र २०६५/२०६६ साल देखि मा.वि. कक्षा सञ्चालन हुँदै आईरहेको छ ।

विद्यालयको स्थापनाकालदेखी हालसम्म प्रत्यक्ष– अप्रत्यक्ष रूपमा सहयोग पुर्याउँदै आउनुभएका जग्गादाता, संस्थापक, वि.व्य.स., शि.अ.स. पदाधिकारी एवं शिक्षक- कर्मचारी, विद्यार्थी एवं अभिभावक वर्ग शुभेच्छुक सवैमा समयानुकूल परिवर्तन हुँदै विद्यालयको चौतर्फी विकासमा लाग्न अनुरोध गर्दछु । सरोकारवालाहरूसँगको छलफल, शिक्षकहरूको Team Work, अभिभावकको चाहाना तथा विद्यार्थीहरूको रूची अनुसार शिक्षण गर्दै शैक्षिक सुशासनका पक्षहरू जवाफदेहिता, पारदर्शिता, सहभागिता र व्यवस्थापनमा ध्यान दिँदै केही समयभित्र नै महशुष हुने गरी विद्यालयको शैक्षिक, भौतिक, आर्थिक तथा व्यवस्थापकीय पक्षमा सुधार ल्याउने प्रतिवध्दता व्यक्त गर्न चाहान्छु ।

"आउनुहोस् , विद्यालय सुधारका लागि सँगै मिलेर काम गरौँ !"

धन्यवाद !

Wednesday, January 24, 2024

Home समाचार जनजागृति माध्यमिक विद्यालयको ५५औं वार्षिक उत्सव सम्पन्न

जनजागृति माध्यमिक विद्यालयको ५५औं वार्षिक उत्सव सम्पन्न

January 24, 2024 समाचार,

Bravokhabar

प्रकाशित मिति : बुधबार, माघ १०, २०८०

१० माघ,सिन्धुपाल्चोक । मेलम्ची नगरपालिका ११ स्थित जनजागृति माध्यमिक विद्यालयले ५५ औं वार्षिक उत्सव तथा १४ औं अभिभावक भेला सम्पन्न गरेको छ । बुधवार विद्यालयको प्राङ्गणमा ११ नम्बरका वडाअध्यक्ष चन्द्रबहादुर तामाङको प्रमुख आतिथ्यतामा कार्यक्रम सम्पन्न गरेको हो । कार्यक्रममा बोल्दै प्रमुख अतिथी तामाङले विद्यालयको शैक्षिक गुणस्तरका लागि वडाले सक्दो सहयोग गर्ने बताए । नगरपालिकासँग संमन्वय गर्दै विद्यालयको विकासका लागि आफूले पहल गर्ने प्रतिबद्धता व्यक्त गरे ।

यस्तै मेलम्ची नगरपालिका शिक्षा शाखाका सुनिल कुमार भण्डारीले नगरपालिकाले शिक्षा क्षेत्रमा गरेका कामको बारेमा जानकारी गराए ।
कार्यक्रममा इन्द्रावती बहुमुखी क्याम्पसका क्याम्पस प्रमुख तथा शिक्षासेवी राधाकृष्ण श्रेष्ठले सामुदायिक विद्यालयहरुको गुणस्तर वृद्धिको लागि निरन्तर लागिपर्ने बताए । उनले विद्यालयको उन्नती प्रगतिको कामना गर्दै शुभकामना व्यक्त गरे । कार्यक्रममा ईन्द्रेश्वरी माध्यमिक विद्यालयका प्रधानाध्यापक देवी श्रेष्ठले प्राविधिक विषय अध्ययन गर्न चाहने २ जना विद्यार्थीका लागि ईन्दे्रश्वरीमा निशुल्क अध्ययन गर्ने व्यवस्था मिलाउने बताए । कार्यक्रममा शिक्षक विद्यार्थी सम्मान र पुरस्कार वितरण गरिएको थियो भने विद्यार्थीहरुले विभिन्न साँस्कृतिक तथा सांगितिक प्रस्तुति समेत प्रस्तुत गरेका थिए ।

पछिल्लो समय विद्यार्थीहरुको शैक्षिक गुणस्तरका लागि सिकाई प्रक्रिया लगायत विभिन्न विषयमा विशेष योजनाका साथ विद्यालय लागिरहेको जनजागृतिका प्रधानाध्यापक इन्द्र कुमार तामाङले जानकारी दिए ।